एनप्याब्सन कोहलपुरको अध्यक्षमा बेगप्रकाश चन्द चयन

नेशनल प्याब्सन कोहलपुरको अध्यक्षमा बेग प्रकाश चन्द चयन भएका छन् । बाँकेको कोहलपुरमा नेशनल प्याब्सन कोहलपुर नगर कमिटि, बैजनाथ र राप्तीसोनारी गाउँ कमिटिको आयोजनामा शुक्रबार सम्पन्न नेशलन प्याब्सन दोस्रो नगर तथा गाउँपालिका अधिवेशनबाट चन्दको नेतृत्वमा ५ सदस्यी नयाँ कार्य समिति चयन भएको छ । जसको सचिवमा अमित पौडेल, कोषाध्यक्षमा पूर्ण घले सदस्यमा एसबि. बुढा चयन भएका छन् भने एक जना सदस्यलाई मनोनित गरिने भएको छ । त्यस्तै बैजनाथ गाउँपालिकामा नेशनल प्याब्सन बैजनाथ गाउँ कमिटिको पनि गठन गरिएको छ । नेशनल प्याब्सन बैजनाथको संयोजकमा प्रकाश मल्ल, उपसंयोजकमा कमानसिंह थापा, सदस्यमा ओमप्रकाश थापा चयन भएका छन् । त्यस्तै नेशनल प्याब्सन राप्तीसोनारीको अध्यक्षमा शेर जंग गौतम चयन भएका छन् । जसको सचिवमा सागरदत्त गौतम, कोषाध्यक्षमा केशर बहादुर वली, सदस्यहरुमा टोपेन्द्र खड्का र राज बहादुर बुढा चयन भएका छन् ।
त्यस्तै उद्घाटन सत्रमा बोल्दै एनप्याब्सन केन्द्रिय सचिव कुशुमराना भाटले राज्यले नीति क्षेत्रलाई सम्मान गर्नुपर्ने भन्दै संस्थागत विद्यालयहरुले अब विश्व परिवेश अनुसारको शिक्षा दिन आवश्यक रहेकोमा जोड दिएका छन् । साथै उनले एनप्याब्सनले शिक्षामा सुधार हुनुपर्ने माग गरिरहेको बताउँदै शिक्षक, विद्यार्थी, परिवार र विद्यालय बिच सकरात्मक सोचको विकास हुन आवश्यक रहेको बताए । एनप्याब्सन कोहलपुर नगर अध्यक्ष किशोरराज मल्लको सभापतित्वमा सम्पन्न भएको कार्यक्रममा एनप्याब्सन बाँकेका अध्यक्ष श्याम कुँवर, सचिव शिव प्रसाद डाँगि लगायत एनप्याब्सनमा आवद्व विद्यालयका प्रतिनिधिहरुको सहभागिता रहेको थियो ।

जेसिज कोहलपुरद्वारा हाजिरीजवाफ प्रतियोगितामा पञ्चमुखी प्रथम

बाँकेको कोहलपुरमा कोहलपुर जेसीज २०१९ ले जेसिज अन्तर विद्यालय हाजिरी जवाफ प्रतियोगिता सम्पन्न गरेको छ । कोहलपुर जेसीजको आयोजनामा सम्पन्न भएको प्रतियोगितमा पञ्चमुुखी मावि प्रथम, बालज्योति अंग्रेजी मावि द्वितीय र कोहलपुर बागेश्वरी ई.मि. तृतीत भएको छ । कार्यक्रममा बोल्दै कोहलपुर नगर शिक्षा शखा प्रमुख आनन्तकुमार पौड्यालले विद्यार्थीहरुको अन्र्तनिहित क्षमताको विकास गर्नका लागि यस्ता कार्यक्रमहरुलाई पटक पटक जारी राख्नुपर्नेमा बताएका छन् । साथै उनले भाषा र सीपको विकास गर्न सके बालबालिकाको क्षमतामा विकास हुने भन्दै जेसीजले विद्यार्थीहरुलाई सकरात्मक सोचको विकास गराउन विभिन्न कार्यक्रमहरु आयोजना गर्नु सुझाव समेत दिएका थिए । कार्यक्रममा बोल्दै क्रिसाका अध्यक्ष शिव प्रसाद डाँगिले प्रतियोगिताबाट बालबालिका भित्र लुकेर रहेको प्रतिभालाई बाहिर ल्याउन सहयोग पुग्ने भन्दै विद्यार्थीहरुलाई पाठ्यक्रमले तोकेको विषयवस्तुसँगै अन्य ज्ञान प्राप्त गर्नका लागि सबै लाग्नुपर्ने बताए । कोहलपुर जेसीज वर्ष २०१९ की अध्यक्ष संगिता सुवेदीले जेसीज विश्व भरीका १८ वर्षदेखि ४० वर्षसम्मका यूवाहरुको संगठन भएको भन्दै समाज रुपान्तरणका लागि जेसीजले विभिन्न सामाजिक कार्यहरु गर्दै आईरहेको बताईन् । कोहलपुर जेसीज वर्ष २०१९ की अध्यक्ष संगिता सुवेदीको सभापतित्वमा सम्पन्न भएको थियो भने प्रतियोगितामा १८ वटा विद्यालयले सहभागिता जनाएका थिए ।

तरुण दल बाँकेको बन्दका कारण पूर्वपश्चिम राजमार्ग बन्द

नेपाल तरुण दल बाँकेले आज गरेको बन्दका कारण कोहलपुर स्थित पूर्व पश्चिम राजमार्गमा कुनै पनि सवारी सधानहरु आवत जावत भएका छैनन् । बन्दका कारण बिहानैदेखि कोहलपुरदेखि पूर्व पश्चिमको राजमार्ग ठप्प पारिएको छ । बाँकेमा बन्दको प्रभाव परेको छ । प्रहरीले आफ्नो नेता कार्यकर्तालाई पक्राउ गरेको भन्दै तरुण दल बाँकेले जिल्ला बन्दको घोषणा गरेको हो । कोहलपुरमा साना तथा ठुला सवारी साधान ठप्प पारिएको छ भने मोटरसाईकल र अटोरिक्सा सञ्चालन गर्न दिईएको छ । यसका साथै कोहलपुर बजार, सडकमा सार्वजनिक सवारी साधनहरु गुडेका छैनन् भने उद्योग, कलकारखाना, शिक्षण संस्थाहरु बन्द छन् । बन्दको क्रममा कुनै अप्रिय घटना घट्न नदिनको लागि प्रहरी सुरक्षा व्यवस्था बलियो पारेको छ । बन्द साँझ ५ बजेसम्म जारी रहने तरुण दल बाँकेले जनाएको छ ।

महिला उद्यमी उपभोक्ता सहकारी संस्था लि. प्रदेश नं. ५ को संयोजकमा सिग्देल

बाँकेको कोहलपुरमा दुई दिने महिला उद्यमी उपभोक्ता सहकारी संस्था लि. प्रदेश नं. ५ को प्रदेश स्तरीय सहकारी भेलाले मिना सिग्देलको संयोजकत्वमा नयाँ कार्यसमिति चयन भएको छ । ‘विषादी हैन आर्गानिक खोजांै, विदेशी होइन् स्वदेशी नै रोजौं’ भन्ने मुल नाराका महिला उद्यमी उपभोक्ता सहकारी संस्था लि. काठमाण्डौंको आयोजना र उनिटेरा–३ सिईसिआईको सहयोगमा दुई दिने प्रदेश स्तरीय सहकारी भेलाबाट प्रदेश संयोजकमा मिना सिग्देल र उपसंयोजकमा दुर्गा आचार्य चयन भएकी छिन् । त्यस्तै भेलाले महिला उद्यमी उपभोक्ता सहकारी संस्था लि. बाँकेको संयोजकमा उषा कुमारी थापा, बर्दियाको संयोजकमा शान्ति अधिकारी, दाङ्गको संयोजकमा हिरादेवि पुन, पाल्पाको संयोजकमा गीता रेग्मी, अर्घाखाँचीको संयोजकमा पार्वति भुषाल, नवलपरासीको संयोजकमा लक्ष्मी पोखरेल, गुल्मीको संयोजकमा देवि कुँवर, प्युठानको संयोजकमा नारायणी पौडेल , कपिलवस्तुको संयोजकमा सुनिता सेन र रुपन्देहीको संयोजकमा राधा थापा चयन भएको संयोजक मिना सिग्देलले जानकारी दिएकी छिन् । संयोजक सिग्देलका अनुसार जिल्ला संयोजक नै प्रदेशका पदेन सदस्य हुनेछन् । त्यस्तै भेलाले महिला उद्यमी उपभोक्ता सहकारी संस्था लि.को व्यवसाय प्रवद्र्वन उपसमिति सबै जिल्लामा पनि चयन गरेको छ । व्यवसाय प्रवद्र्वन उपसमिति बाँकेको उपसंयोजकमा सुभद्रा देवि शर्मा, बर्दियाको संयोजकमा कल्पना बस्याल, दाङ्गको संयोजकमा पद्मा आचार्य, कपिलवस्तुको संयोजकमा अम्विका थापा, रुपन्देहीको संयोजकमा विना सुवेदी, प्युठानको संयोजकमा संगिता खड्का, पाल्पाको संयोजकमा मिना थापा, अर्घाखाँचिको संयोजकमा भगवती वेल्वासे, नवलपरासीको संयोजकमा प्रेम कुमारी चौधरी, गुल्मीको संयोजकमा भगवती कँडेल चयन भएको सिग्देलले बताईन । समापन कार्यक्रममा बोल्दै कार्यक्रममा बोल्दै महिला उद्यमी उपभोक्ता सहकारी संस्था लि. काठमाण्डौंकी अध्यक्ष शान्ति गुरुङ्गले प्रदेश र जिल्ला संयोजकहरुले जिल्लामा महिलाहरुले सञ्चालन गरेका सहकारीहरुको विवरण जसरी पनि केन्द्रमा पठाउन अनुरोध गरेकी छिन् । साथै उनले अब सबै स्थानिय तहमा पनि शाखा विस्तार गरेर सहकारीको अभियानबाटै महिलाहरुलाई आत्मानिर्भर बनाउन लाग्नुपर्नेमा जोड दिईन् । महिला उद्यमी उपभोक्ता सहकारी संस्था लि. की प्रदेश नम्बर ५ कि संयोजक मीना सिग्देलको सभापतित्वमा भएको कार्यक्रममा प्रदेश नम्बर ५ का महिला सहकारीका प्रतिनिधिहरुको सहभागिता रहेको छ ।

सरकारले काँग्रेसका यूवाहरुलाई खोजिखोजि बिनाकाण फसाउँदै ः महर

नेपाल विद्यार्थी संघका निर्वतमान अध्यक्ष नैनसिंह महरले वर्तमान केपि ओलि नेतृत्वको सरकारले नेपाली काँग्रेसका यूवाहरु बिना कारण खोजिखोजि फसाउन लागेको बताएका छन् । कोहलपुरमा बिहीबार आयोजित पत्रकार सम्मेलनमा बोल्दै देशै भरी नेपाली काँग्रेसका यूवाहरुलाई अनावश्यक मुद्धामा फसाउँदै आईरहेको प्रति दुख व्यक्त गर्दै सरकारको यस्तो कदम तत्काल सच्याउन माग गरेका छन् । नेपाल तरुण दल नेपालगञ्ज उपमहानगरपालिकाका सभापति सन्दिपजंग शाहको प्रकरणका बारेमा बोल्दै बिना कारण काँग्रेसका यूवाहरुलाई फसाउन लागि रहेको सरकारका विरुद्व देशव्यापि रुपमा आन्दोलन गर्ने घोषण गरेका छन् । निर्दोष व्यक्तिलाई राजनीतिक पूर्वाग्रही रुपमा झुटा मुद्दा चलाएको विषयमा बाँकेका एस.पी. र डि.एस.पी.को कुरा बाँझिएकाले घटना नियोजित भएको प्रमाणित भएको उनले बताए । केही समय अघि तरुण नेता शाहको गाडीमा पेस्तोल फेला परेको भन्दै प्रहरीले गैर न्यायिक तरिकाले नियन्त्रण लिई झुटा मुद्दा चलाई राजनीतिक प्रतिशोध बर्तमान सरकारले साँध्न खोजको उनले जिकिर गरेका छन् ।
साथै उनले वर्तमान सरकारप्रति जनताको वितृष्णा पैदा भएको जिकिर गरे । उनले नेकपा सरकारले २२ महिनाअगाडि जनतासामु गरेका प्रतिबद्धता पूरा गर्न नसकेकाले जनताले कांग्रेस खोजिरहेको बताएका छन् । ‘सरकारसँग कुनै ठोस कार्ययोजना नभएर हौवा फैलाउने कार्य गरेको छ र यसबाट मजदूरदेखि मालिकसम्म र विद्यार्थीदेखि शिक्षकसम्म कहींकतैबाट पनि सरकारको कामप्रति असन्तुष्ट देखिएका छन्’ नेता महरले भने । महरले लिपुलेखका बारेमा भारतसँग ओली नेतृत्वको वर्तमान सरकारको कुटनीतिक रुपमा कुनै पनि पहल नगरेको प्रति आक्रोस पोख्दै तत्काल कुटनैतिक रुपमा वार्ता गरी सीमा विवाद हल गर्न सरकारसँग माग गरेका छन् । नेता महरले प्रधानमन्त्री केपी शर्मा ओलीमाथि रोष प्रकट गर्दै भने, ‘चार भाषामा भारतका प्रधानमन्त्री मोदीलाई जन्मदिनको शुभकामना दिन सक्ने केपी ओलीले सीमाको विषयमा कुनै अभिव्यक्ति नदिनुले यसमा सरकारकै मिलेमतो रहेको र सरकार राष्ट्रियताको विषयमा कमजोर सावित भएको प्रष्ट हुन्छ ।’ वर्तमान सरकारले नेपालको राष्ट्रियतालाई नै खतरामा पारेको भन्दै सबै नेपाली जनता राष्ट्रियताका लागि एक हुन आवश्यक रहेको उनले बताएका छन् । साथै उनले नेविसंघको विधान अनुसार नै नेविसंघको नेतृत्व चयन हुने भन्दै उपनिर्वाचनभन्दा अगाडि पार्टी भातृ संस्थाहरुका बारेमा कुनै पनि कदम नउठाउने बताएका छन् । पत्रकार सम्मेलनको अवसरमा महरद्वारा लिखित काण्डै काण्ड नामक पुस्तक मार्फत बर्तमान सरकारका गलत क्रियाकलापहरुको पर्दाफास भएकाले उप निर्वाचनमा सहयोगि हुन सक्ने भन्दै महरले नेपाली काँग्रेसका क्षेत्रीय सभापति माधवराम खत्री र नेपाली काँग्रेस कोहलपुर नगर समिति सचिव भुम बहादुर भण्डारीलाई हस्तान्तरण समेत गरेका छन् । कार्यक्रमको सहजिकरण नेविसंघका यूवा नेता कलम शाहीले गरेका थिए ।

यस कारण मेरो उम्मेद्वारीः श्रीकृष्ण थारु

मेरो उम्मेदवारी कुनै ब्यक्ति बिशेष र कुनै पार्टिका विरुद्ध हैन मेरो उम्मेदवारी त कोहलपुर वडा न ६ मा ब्याप्त गरिबी, अशिक्षा, बेरोजगारी, अन्धकार, बिभेद र असमानताको विरुद्धमा हो तसर्थ म वडा न ६ का मतदाताको सर्वसम्मत र साझा उम्मेदवार हु । मेरो बिजयले बर्तमान सरकारको स्वेच्छाचारी चरित्र, भ्रष्टाचार, कालोबजारी, हचुवाको भरमा गरिएको कर वृद्धि आदिको अन्त र संबैधानिक सर्वोच्चताको सस्थागत बिकास हुनेछ । मेरा आदरणीय मतादाता ज्यु लाई मंसिर १४ गते हुने वडा अध्यक्ष पदको उप निर्वाचनमा कोहलपुर ६ नम्बर वडामा एकपटक चुनाब चिन्ह रुखमा मतदान गरि लोकतन्त्रलाई मजबुत बनाउने हाम्रो अभियानमा सहयोग पुर्याउनुहुने छ भन्ने बिस्वास लिएको छु । मेरो जित ६ नम्बर वड बासिको साझा जित हो । जय नेपाल ।

श्रीकृष्ण थारु
वडा अध्यक्ष उम्मेदवार
कोहलपुर वडा न ६ बाँके

काँग्रेसले नै कोहलपुर वडा नं. ६ मा जित्छ ः नेता भट्टराई

नेपाली काँग्रेसका महासमिति सदस्य भानुभक्त भट्टराईले कोहलपुर नगरपालिका वडा नं. ६ को वडा अध्यक्षमा नेपाली काँग्रेसले नै जित्ने बताएका छन् । कोहलपुर वडा नं. ६ को वडा अध्यक्ष पदको उम्मेद्वारी मनोनयन दर्ता पछिको नेपाली काँग्रेसले आयोजना गरेको कोणसभामा बोल्दै नेपाली जनताको भावना अनुसार वर्तमान कम्यूनिष्ट पार्टी नेतृत्वको सरकारले काम गर्न नसकेको अवस्थामा वडा नं. ६ मा नेकपाले निर्वाचन जित्न नसक्ने बताएका छन् । साथै उनले नेपाली काँग्रेस का उम्मेद्वारले वडा नं. ६ मा बिजय हुने विश्वास व्यक्त गरेका छन् । कार्यक्रममा बोल्दै नेपाली काँग्रेसका उपसभापति फुलाराम थारुले देशको विकास र समृद्विका लागि नेपाली काँग्रेसले नै नेतृत्व गर्ने भन्दै कोहलपुर नगरपालिका वडा नं. ६ मा नेपाली काँग्रेसका नेता श्रीकृष्ण थारुलाई रुख चिन्हमा मतदान गरी बिजय गराउन सबैमा अनुरोध गरेका छन् । कार्यक्रममा बोल्दै कोहलपुर नगरपालिका उपप्रमुख सञ्जु कुमारी चौधरीले आगामी मंसिर १४ गते हुने उप निर्वाचनमा कोहलपुर नगरपालिका वडा नं. ६ मा नेपाली काँग्रेसका उम्मेदार श्रीकृष्ण थारुलाई अत्याधिक बहुमतले जिताउन आग्रह गरेकी छिन् ।
कार्यक्रममा बोल्दै नेपाली काँग्रेस नगर सभापति बलाराम शर्मा र यूवा नेता निम बहादुर चलाउनेले वडा नं. ६ को विकास समृद्धिका लागि नेपाली काँग्रेसका उम्मेद्वारलाई निर्वाचित गर्न अनुरोध गरेका छन् ।
नेकपालाई जिताउन संसदीय दलकी सचेतक चौधरी आग्रह
आगामी मसिंर १४ गते हुने उप चुनावमा नेकपा संसदीय दलकी सचेतक शान्ता चौधरीले कोहलपुरमा वडा नं ६ मा रामशरण थारुलाई जिताउन आग्रह गरेकी छन । बुधबार उम्मेदवारी मनोनयपछिको कोण सभामा बोल्दै संघिय साँसद समेत रहेकी चौधरीले कोहलपुर ६मा मा थारुको विकासबादी नेताभएकाले निर्वाचनमा सबै मतदातालाई सुर्य चिन्हमा भोट हाल्न आग्रह गरिन ।
कार्यक्रममा बोल्दै बाँके निर्वाचन क्षेत्र नं १ का संघिय साँसद तथा नेकपा नेता महेश्वर गहतराज अथकले वडा नं ६ मा नेकपा उम्मेदवारको विजय सुनिश्चित रहेको उद्घोष गरे । स्थानिय तहको उपनिर्वाचन अन्तर्गत बाँकेको कोहलपुर नगरपालिका वडा नं. ६ मा आगामी मंसीर १४ गते निर्वाचन हुँदै छ । त्यसैकालागि बुधबार मनोनयन दर्ता गरीएको छ । सत्तारुढ दल नेपाक क्म्यूनिष्ट पार्टी ९नेकपा. बाट रामशरण थारुले उम्मेदवारी दर्ता गराएका छन । बाजागाजा सहित कोहलपुर बजार परिक्रम गरि न्यूरोडस्थित निर्वाचन कार्यालय परिसर पुगेर थारुले उम्मेदवारी दर्ता गराएका हुन ।

भारत जाँदै गरेका चार बालक कोहलपुर प्रहरी द्वारा उदार

बाँकेको कोहलपुर नगरपालिकाका चारवटा बालक भारत जाँदै गरेको अवस्थामा कोहलपुर प्रहरीले उदार गरी परिवारको जिम्मा लगाएको छ । कोहलपुर नगरपालिका वडा नं. १२ का १२ वर्षिय प्रकाश बि.क., सोही ठाउँका ११ वर्षिय दिपक तिरुवा, १३ वर्षिय श्याम बि.क.र १२ वर्षिय बिक्की बि.क.लाई कोहलपुर प्रहरी भारत जाँदै गरेको अवस्थामा बाँकेको नेपालगञ्ज–१३ स्थित चैलिकाचोक नजिकबाट भारत जाँदै गरेको अवस्थामा फेला पारी परिवारको जिम्मा लगाईएको ईलाका प्रहरी कार्यालय कोहलपुर प्रहरी प्रमुख हेम बहादुर शाहीले बताएका छन् । साथै उनले चार जना बालक हराएको सूचना यहि कार्तिक २० गते परिवारले सूचना दिएका आधारमा बालकको खोजि गरिएको बताए ।

महिला उद्यमी उपभोक्ताको प्रदेश स्तरीय दुईदिने सहकारी भेला सुरु

बाँकेको कोहलपुरमा दुई दिने प्रदेश स्तरीय सहकारी भेला तथा अनुशिक्षण तालिम बुधबारबाट सुरु भएको छ । ‘विषादी हैन आर्गानिक खोजांै, विदेशी होइन् स्वदेशी नै रोजौं’ भन्ने मुल नाराका महिला उद्यमी उपभोक्ता सहकारी संस्था लि. काठमाण्डौंको आयोजना र उनिटेरा–३ सिईसिआईको सहयोगमा दुई दिने प्रदेश स्तरीय सहकारी भेला तथा अनुशिक्षण तालिमको उद्घाटन सहकारी संघ प्रदेश नम्बर ५ का अध्यक्ष प्रेम सुवेदिले गरेका छन् । कार्यक्रममा बोल्दै सहकारी संघ प्रदेश नम्बर ५ का अध्यक्ष प्रेम सुवेदिले स्वदेशी वस्तुको उत्पादनलाई जोड दिँदै सहकारीले अब आर्गानिक वस्तु कसरी प्रयोगमा ल्याउन सकिन्छ भन्ने बारेमा सोच्नु पर्ने बेला आएको बताएका छन । साथै उनले नेपालमा महिलाले संचालन गरेका सहकारी सफल भएको बताउँदै सहकारीमा आवद्व महिला शेयर सदस्यहरुको जीवन परिवर्तनमा विशेष जोड दिन आवश्यक रहेको बताए । पछिल्लो समय एउटै व्यक्ति धेरै सहकारीमा आवद्व भईरहेको सन्र्दभमा बोल्दै एकै दिनमा विभिन्न सहकारीको बैठनमा सहभागि हुन नारीहरुले सारी फेरीरहेको प्रति चिन्ता व्यक्त गर्दै उनले भने ‘अब नारीका सारी फेर्ने होइन्, जीवन फेर्ने बेला आयो, यसका लागि सहकारी नै प्रमुख माध्यम हो ।’
कार्यक्रममा बोल्दै महिला उद्यमी उपभोक्ता सहकारी संस्था लि. की प्रदेश नम्बर ५ कि संयोजक मीना सिग्देलले महिलाहरुले नेतृत्व गरेका सबै सहकारी एक भएर समाजमा महिलाहरुलाई आत्मा निर्भर बनाउनका लागि महिला उद्यमी उपभोक्ता सहकारी संस्था लि.ले विशेष योजना बनाउन लागेको बताईन् । साथै उनले प्रदेश नं. ५ का महिला सहकारीहरुलाई आर्थिक रुपमा सम्पन्न र शेयर सदस्यहरुलाई आर्थिक रुपमा सक्षम बनाउनका लागि सबै लाग्नुपर्ने बेला आएको बताईन् ।
कार्यक्रममा बोल्दै महिला उद्यमी उपभोक्ता सहकारी संस्था लि. काठमाण्डौं की अध्यक्ष महिलाहरुलाई सहकारीको माध्यमबाट देशैभरिका महिलालाई एक गर्नका लागि कार्यक्रमको आयोजना गरिएको बताइन् । साथै उनले महिला उद्यमी उपभोक्ता सहकारी संस्थाले प्रदेशको नयाँ संरचना अनुसार शाखा विस्तार गरिरहेको बताईन् ।
कार्यक्रममा महिला उद्यमी उपभोक्ता सहकारी संस्था काठमाण्डौंकी सचिव निर्मला श्रेष्ठले संस्थाका बारेमा जानकारी दिँदै संस्थाले देशभर शाखा स्थापना गर्ने लक्ष्य रहेको बताइन् । साथै उनले हाल संस्थामा नेपालभर १ सय ५ वटा महिला सहकारीहरु आवद्व भएको र अब ७७जिल्लामा शाखा विस्तार गर्ने, सहकारी नभएका स्थानमा महिला सहकारी संचालन गर्ने वातावरण सिर्जना गर्ने उद्देश्य रहेको जानकारी दिएकी छिन । यसका साथै उनले संस्थाका लक्ष्य, उदेश्य र भावी कार्य योजनाका बारेमा जानकारी गरायको थिईन । महिला उद्यमी उपभोक्ता सहकारी संस्था लि. की प्रदेश नम्बर ५ कि संयोजक मीना सिग्देलको सभापतित्वमा भएको कार्यक्रममा प्रदेश नम्बर ५ का महिला सहकारीका प्रतिनिधिहरुको सहभागिता रहेको छ ।

कोहलपुर वडा नं. ६ मा पाँच जनाको उम्मेद्वारी दर्ता

बाँकेको कोहलपुर नगरपालिका वडा नं. ६ मा आगामि मंसिर १४ गते हुन गईरहेको उपनिर्वाचनका लागि पाँच जनाले उम्मेद्वारी दर्ता गराएका छन् । वडा अध्यक्ष पदका लागि बुधबार (आज) भएको उम्मेद्वारी मनोनयन दर्तामा नेपाल कम्यूष्टि पार्टी (नेकपा)को तर्फबाट वटा अध्यक्षमा रामशरण थारु, नेपाली काँग्रेसबाट श्रीकृष्ण थारु, राप्रपाबाट श्रीधर सुवेदी, समाजवादी पार्टीबाट शुभाखर पोख्रेल र नेपाल मजदुर किसान पार्टीबाट दीपालक्ष्मी हमालले उम्मेद्वारी दर्ता गराएको मुख्य निर्वाचन अधिकृत खडानन्द तिवारीले जानकारी दिएका छन् । कोहलपुर नगरपालिका वडा नं. ६ का तत्कालिन वडा अध्यक्ष रामसोहन थारुको निधन भएपछि उपनिर्वाचन हुन लागेको हो ।