तरुण दल बाँकेको बन्दका कारण पूर्वपश्चिम राजमार्ग बन्द

पिपलबाेट संवाददाता


नेपाल तरुण दल बाँकेले आज गरेको बन्दका कारण कोहलपुर स्थित पूर्व पश्चिम राजमार्गमा कुनै पनि सवारी सधानहरु आवत जावत भएका छैनन् । बन्दका कारण बिहानैदेखि कोहलपुरदेखि पूर्व पश्चिमको राजमार्ग ठप्प पारिएको छ । बाँकेमा बन्दको प्रभाव परेको छ । प्रहरीले आफ्नो नेता कार्यकर्तालाई पक्राउ गरेको भन्दै तरुण दल बाँकेले जिल्ला बन्दको घोषणा गरेको हो । कोहलपुरमा साना तथा ठुला सवारी साधान ठप्प पारिएको छ भने मोटरसाईकल र अटोरिक्सा सञ्चालन गर्न दिईएको छ । यसका साथै कोहलपुर बजार, सडकमा सार्वजनिक सवारी साधनहरु गुडेका छैनन् भने उद्योग, कलकारखाना, शिक्षण संस्थाहरु बन्द छन् । बन्दको क्रममा कुनै अप्रिय घटना घट्न नदिनको लागि प्रहरी सुरक्षा व्यवस्था बलियो पारेको छ । बन्द साँझ ५ बजेसम्म जारी रहने तरुण दल बाँकेले जनाएको छ ।

२९ कार्तिक २०७६ मा प्रकाशित
Nabintech