शिवानी बि.क बाँके । कोहलपुर नगरपालिका र लुमन्तिको आयोजनामा ध्ब्क्ज् कार्यक्रमको प्रभावकारिताको विषयमा दिगो विकास कार्यशाला गोष्ठी सम्पन्न भएको छ । सम्पूर्ण उपभोत्तालाई सफा र दिगो खानेपानी र सरसफाइको सुविधा र समान तवरमा पुर्याउने योजनाले काम गरी रहेको कोहलपुर नगरपालिकाका नगर प्रमुख पूर्ण प्रसाद आचार्यले बताएका छन् । खानेपानि, सरसफाई र स्वच्छता कार्यक्रमको दिगो पन सम्बन्धि सूचक माथिको छफलफ कार्यक्रममा बोल्दै उनले यस्तो बतएका हुन् । खानेपानी र सरसफाइका क्षेत्रमा नगरपालिकाको तर्फबाट थुप्रै कार्य भएको बताउदै सोच, परिकल्पना उद्देश्य सहित काम आगामी दिनमा गरिनेमा बताएका छन् । संस्थागत र आर्थिक रुपमा हुने सहयोग सबैले गर्नु पर्नेमा उनले जोड दिए । कार्यक्रममा उपस्थितले राखेका प्रश्नको जवाफ दिदै नगर प्रमुख आचार्यले खानेपानीको सुविधाबाट बञ्चित भएका नागरीकहरुलाई खानेपानी पुगेको सुनिश्चित गर्ने रणनीतिको विकास गर्ने, तथा खानेपानी वितरण प्रणालीको उपयोगिता, वितरण क्षेत्र, दिगोपन र विश्वसनीयतालाई सुदृढिकरण गर्ने प्रतिबद्धता व्यक्त गरेका छन् । नगर प्रमुख पूर्ण प्रसाद आचार्यको अध्यक्षतामा भएको कार्यक्रममा विभिन्न वडाका अध्यक्षहरू, नगरपालिकाका शाखा प्रमुख एवम् प्रतिनिधिहरू, पत्रकार लगायतको सहभागिता रहेको थियो । कार्यक्रमको सञ्चालन खानेपानी तथा सरसफाइ विज्ञ भिन सेन देवकोटाले गरेको थिए ।
