बाँके राष्ट्रिय निकुञ्जको १० औं वार्षिक उत्सव सम्पन्न

पिपलबाेट संवाददाता


बाँके राष्ट्रिय निकुञ्जको १० औं वार्षिक उत्सव सम्पन्न गरेको छ । नेपाल सरकारले बाघ संरक्षणका लागि अन्तर्राष्ट्रिय समुदायसँग गरेको प्रतिबद्धता अनुरूप बाघको वासस्थान र जैविक मार्ग संरक्षण गर्ने उद्देश्यले २०६७ सालमा बाँके, दाङ र सल्यान जिल्लाको ५सय ५० वर्ग कि.मि. क्षेत्र समेटी नेपालको दशौं राष्ट्रिय निकुञ्जको रूपमा बाँके राष्ट्रिय निकुञ्जको स्थापना भएको छ ।

बाँके राष्ट्रिय निकुञ्जका प्रमुख संरक्षण अधिकृत प्रमोद भट्टराईले बाँके राष्ट्रिय निकुञ्जलाई बाघ संरक्षणका लागि स्थापना गरिएको भन्दै बाघको वृद्विदर तिव्र गतिमा रहेको बताएका छन् । कार्यक्रममा बोल्दै मध्यवर्ति व्यवस्थापन समितिका अध्यक्ष गहेन्द्र कुमार खड्काले वन्यजुन्तको संरक्षणका लागि मानिसहरु नै सकरात्मक हुनुपर्ने बताएका छन् । कार्यक्रममा बोल्दै बाँके राष्ट्रिय निकुञ्जका सहायक संरक्षण अधिकृत महेश न्यौपानेले नेपालमा सन् २०२२ सम्म बाघको संख्या दोब्बर बनाउने लक्ष्यका साथ बाँके राष्ट्रिय निकुञ्ज लागि परेको बताएका छन् । कार्यक्रममा १२ जनालाई सम्मान, वन्य जन्तु पीडित विद्यार्थीहरुलाई छात्रवृद्वि लगायत वन्यजन्तुबाट पीडित भएकालाई राहत वितरण गरिएको थियो ।

२८ असार २०७७ मा प्रकाशित
Nabintech