युभेन्टस फरवार्ड क्रिस्टियानो रोनाल्डोले लगातार नवौंपटक इटालियन सिरी ए उपाधि जितेपछि उक्त सफलता समर्थकहरुलाई समर्पित गरेका छन् ।
आइतबार राती साम्पडोरियालाई २-० ले पराजित गरेपछि युभेन्टसले उपाधि पक्का गरेको हो । इटालीको शीर्ष ५ लिगमा लगातार नवौं पटक उपाधि जित्ने युभेन्टस पहिलो टोली हो । यसअघि युभेन्टसले राखेको लगातार आठौं उपाधि जितलाई बायर्न म्युनिखले बराबरी गरेको थियो ।
रोनाल्डोले साम्पडोरियाविरुद्ध गोल गर्दै सिजनको ३१ औं गोल गरे । दोस्रो गोल गर्ने अवसर पाएपनि रोनाल्डो पेनाल्टीमा भने चुके । यसका बाबजुद उनले युभेन्टसलाई उपाधि दिलाउन सके । अघिल्लो खेलमा उडिनेजेविरुद्ध पराजित भएपछि युभेन्टसको उपाधि प्रतीक्षा लम्बिएको थियो ।
रोनाल्डोले जितपछि उपाधि आफ्नो समर्थकलाई समर्पित गरे । ‘ लगातार दोस्रो सिजन उपाधि जित्न पाउँदा खुसी छु । ठूलो क्लबको इतिहासलाई अझै परिस्कृत गर्ने अवसर पाएको छु,’ उनले भने, ‘ यो उपाधि समर्थकलाई समर्पण गर्न चाहन्छु । विशेषगरी कोरोनाले प्रभावित समर्थकहरुलाई यो उपाधि हो । यो स्थिति पक्कै सहज छैन । तपाईंहरुको सहास र लगाव नै हाम्रो लागि पनि शक्ति बनेको थियो ।’
