नेपालगञ्जको भेरी अस्पतालमा रहेको कोरोना परिक्षण ल्यावमा पछील्लो २४ घण्टामा आरटि पिसिआर बिधिद्धारा गरिएको परिक्षणमा बाँकेका ४९ जनामा कोरोना पोजेटिभ भएको पाइएको छ ।
भेरी अस्पतालका अनुसार पछील्लो २४ घण्टामा ३१२ जनाको परिक्षण गरिएकोमा ५१ जना ब्यक्तीको कोरोना पोजेटिभ भएको छ । बाँकेको नेपालगञ्ज क्षेत्रका मात्र ४९ जना कोरोना संक्रमित रहेका छन भने बर्दिया र रुकुमबाट आएको नमुनाहरुमा १ र १ जना कोरोना संक्रमण भएको पाइएको छ ।
नयाँ संक्रमितहरुमा जानकी ५ र खजुरा ४ का १ र १ जना, कोहलपुरका १३ जना र नेपालगन्जका ३३ जना रहेका छन । जिल्ला स्वास्थ्य कार्यालय बाँकेका अनुसार कोहलपुर वडा नं. १ का ८ जना, २ का २ जना, ४ का २ जना, ५ का १ जना र ११ का २ जना रहेका छन । बाँकेका दुई जना भनिएको छ । कोहलपुरका संक्रमितहरुमध्ये ५ जना महिला र १० जना पुरुष रहेका छन । त्यसैगरी नेपालगन्जका १४ जना महिला र २० जना पुरुषमा कोरोना संक्रमण देखिएको छ ।
भेरी अस्पतालमा हालसम्म १३ हजार ६ सय ८ जनाको आरटिपिसिआर बिधिद्धारा कोरोना परिक्षण गरिएकोमा बाँकेमा ५ सय ४७ जना पोजेटिभ भएकोमा ३ सय ९४ जना निको भएर घर फर्किसकेका छन ।
