कोरोनाविरुद्धको खोप अभियान आजदेखि, बाँकेमा पहिलो खोप भेरीका मेसुले लगाए

पिपलबाेट संवाददाता


कोरोनाविरुद्धको खोप अभियान आजदेखि बाँकेमा सुरु भएको छ । देशभर १ सय २० केन्द्रबाट खोप दिइने स्वास्थ्य तथा जनसंख्या मन्त्रायले जनाएको छ । प्रधानमन्त्री केपी शर्मा ओलीले आज बिहान १० बजे खोपको भर्चुअल शुभारम्भ भएको छ ।

बाँकेमा पहिलो खोप भेरी अस्पताल नेपालगन्जका मेडिकल सुपरिटेन्डेन्ट डाक्टर प्रकाश थापाले लगाएका छन् । बिहान साढे १० बजे शुरु भएको खोप अभियान अन्तर्गत आफूले पहिलो खोप लगाएको डाक्टर थापाले बताए । उनले भेरी अस्पतालको केन्द्रमा खोप लगाएका हुन ।

खोपका बारेमा धेरै आशंका देखिएकाले खोप सुरक्षित रहेको सन्देश दिन आफूले अस्पतामा हुने कार्यक्रममा पहिलो खोप लगाएको डा. थापाले बताए ।
पहिलो चरणमा स्वास्थ्यकर्मी, शव व्यवस्थापनमा खटिने कर्मचारी, एम्बुलेन्स चालक, सरसफाईकर्मी, अस्पतालका अन्य कर्मचारीलाई भाइरस विरुद्धको खोप दिन लागिएको हो । बाँकेमा पहिलो चरणको खोप अभियान अन्तगर्त पहिलो दिन आज भेरी अस्पतालका चारसय जनालाई खोप दिइने भएको छ ।

भारत सरकारको अनुदानमा माघ ८ गते १० लाख मात्रा खोप नेपाल ल्याइएको हो । स्वास्थ्य तथा जनंसंख्या मन्त्रालयले पहिलो चरणको खोप अभियान सुरु गरेको १० दिनभित्र अभियान सम्पन्न गर्नेछ । पहिलो चरणमा चार लाख ३० हजारलाई खोप दिइने मन्त्रालयले जनाएको छ ।

१४ माघ २०७७ मा प्रकाशित
Nabintech