केसीलाई आक्रमण गर्नेलाई तत्काल पक्राउ गर्न तरुण दलको माग

पिपलबाेट संवाददाता


नेपाल तरुण दल बाँकेले तरुण दल राप्तीसोनारीका अध्यक्ष कुल बहादुर केसीमाथि भएको सांघातिक हमलामा संलग्नलाई तत्काल पक्राउ गरी कडा कारवाही गर्न माग गरेको छ । नेपाल तरुण दल बाँके क्षेत्र नं. १ का अध्यक्ष दिग्विजय जंग राणा र नेपाल तरुण दल कोहलपुरका अध्यक्ष हरसिंह कठायतले एक प्रेस विज्ञप्ति निकालेर राजनीतिक आवरणमा आपराधिक क्रियाकलाप गर्नेहरुलाई तत्काल कारबाही नगरिए सशक्त प्रतिकारमा उत्रने चेतावनी समेत दिनुभएको छ । माघ १६ गते राति ११ बजे राप्तीसोनारी गाउँपालिका वडा नम्बर २ मदुईमा घरतर्फ जाने क्रममा युवा संघमा आवद्ध व्यक्तिहरुले केसीलाई विना कारण सांघातिक हमला गरी घाइते बनाएको भन्दै घटनामा संलग्नलाई तत्काल पक्राउ गरी कारवाही गर्न माग गरिएको छ । विज्ञप्तिमा घटनामा संलग्न समूहलाई पक्राउ गर्न माग गरिएको छ ।

१८ माघ २०७७ मा प्रकाशित
Nabintech