सवै क्षेत्र मिलेर दुर्घटना न्यूनिकरण गर्नु पर्ने ः ट्रापिक प्रमुख मल्ल

पिपलबाेट संवाददाता


जिल्ला ट्राफिक प्रहरी कार्यालय बाँकेको प्रमुख तथा प्रहरी निरीक्षण ऐन बहादुर मल्लले बाँके जिल्लाको अव्यवस्थित अटो रिक्साको व्यवस्थापन गरिने बताएका छन् । अव्यवस्थित पार्किङ्गका कारण सरवारी दुर्घटनाको उच्च जोखिम रहेकाले बाँके जिल्ला भित्रका अटोरिक्साको उचित व्यवस्थापनका लागि काम गर्ने प्रमुख लक्ष्य रहेको बताएका छन् । जिल्ला ट्राफिक प्रहरी कार्यालय बाँकेको प्रमुख भई भखरै आएका मल्लले बाँकेका सम्पन्न ट्राफिक व्यवस्थापन सम्बन्धि अन्र्तक्रिया कार्यक्रममा बोल्दै अटो रिक्सालाई नियम र कानून भित्र ल्याउनका लागि स्थानियत निकायले सहयोग गर्न आग्रह गर्दैै बाँके जिल्लामा अस्थव्यस्त रहेको अटो रिक्सालाई व्यवस्थित गर्ने लक्ष्यका साथ काम गर्ने बताएका छन् । साथै उनले ट्राफिक सचेतनाका लागि सामुदाय र विद्यार्थीहरुसँग ट्राफिक प्रहरी भेटघाट अभियान संचालन गर्ने, ट्राफिक प्रहरी कार्यालय बाँकेमा स्रोत थपगर्ने, पार्किङ्गको समस्याको दिर्घकालिन समाधान गर्नका लागि विशेष अभियान संचालन गर्ने, सवारी दुर्घटना यूनिकरणका लागि सबै सँग सहकार्य गर्ने बताएका छन् । यसका साथै बाँके जिल्लाको ट्राफिक व्यवस्थापनलाई आधुनिक र व्यवस्थित बनाउनका लागि सबैले सहयोग गरिनदिन आग्रह समेत गरेका छन् । बाँके जिल्ला सवारी दुर्घटनाको उच्च जोखिममा रहेकोले दुर्घटनालाई कम गर्नका लागि विशेष अभियान संचालन गर्न आवश्यक रहेकोमा जोड दिँदै ट्राफिक प्रहरीको सेवालाई जनमैत्री बताउने प्रतिवद्धता समेत जनाएका छन् ।मल्लले जिल्ला ट्राफिक कार्यालयमा अहिले चालु अवस्थामा सवारी साधन नहुदा आफुहरुलाई कार्यालय संचालन गर्न समेत गाह्रो भएको वताए । साथै अहिलेको अवस्थामा बाँके जिल्ला सहरी क्षेत्रमा सिसि क्यामराको आवश्यकता रहेको हुदा त्यसको व्यवस्था गर्न स्थानिय तहहरुले सहयोग गर्नु पर्ने वताए । सवै जनाको साथ र सहयोगमा मात्र दुर्घटना न्यूनिकरण गर्न सकिने वताए । स्थानिय सरकारले छाडा पशु चौपायाको उचित व्यवस्थापन मिलाउन आवश्यकता छ तर त्यस तर्फ ध्यान नदिएको अवस्था ले गर्दा पनि सडक दुर्घटना हुने गरेको छ । स्थानिय निकाय संग पनि नगर प्रहरीहरु भएता पनि नगर प्रहरीले सडक अतिक्रम तथा छाँडा पशु चौपाय ,फुटपात व्यापारहरु व्यवस्थापन गर्नु पर्नेमा त्यो पनि ट्राफिक प्रहरीले गर्नु पर्ने भन्ने सोचले गर्दा समस्या हुने गरेको वताए । कोहलपुर ,नेपालगन्ज ,खजुरा लागएतका सहर हरुमा केहि ठाउमा स्टिकरहरु लगाउनु पर्ने भएको देखिन्छ त्यसको लागी आर्थिक सहयोग स्थानिय सरकारले सहयोग गर्दिएमा राम्रो हुने वताए । आफुहरु काम गर्ने तयार भएतापनि स्रोत साधनको अभाव ले गर्दा समस्या भएको वताए ।

७ कार्तिक २०७८ मा प्रकाशित
Nabintech