क्रिसा खेलकुद प्रतियोगिता २०७८ माघको दोस्रो साता देखि शुरु हुने

पिपलबाेट संवाददाता


बाँकेको कोहलपुरमा रहेका संस्थागत विद्यालयहरुको छाता संगठन क्रिसाले १३औं क्रिसा खेदकुद प्रतियोगिता २०७८ माघको दोस्रो साता देखि संचालन हुने भएको छ ।  क्रिसाले माघको १९, २० र २१मा आधारभुत र माध्यामिक दुवै तहका खेल एकै साथ गर्ने भएको छ । शुक्रबार कोहलपुरमा बसेको क्रिसा भेलाले खेलकुद प्रतियोगिता २०७८गर्ने निर्णय गरेको हो । दुवै तहको छात्र,छात्राहरुको भलिबल ,एथ्लेटिक्स गरेर ९विद्यामा खेलहरु हुने क्रिसा अध्यक्ष तथा खेलकुद संयोजक दिनेश सिग्देलले जानकरी दिएका छन् । कोहलपुर क्षेत्रमा रहेका संस्थागत विद्यालयहरुको छाता संगठन क्रिसाले हरेक वर्ष खेलकुद प्रतियोगिता गदै आएको छ । यसले यस क्षेत्रको खेलकुललाई माथि उठाउन महत्व पूर्ण भुमिका खेल्दै आएको छ । बाँकेको कोहलपुरमा रहेका संस्थागत विद्यालयहरुको छाता संगठन क्रिसामा हाल ३४ विद्यालयहरु रहेका छन् । क्रिसा खेलकुद प्रतियोगिताले खेलक्षेत्रमा नया खेलाडिहरु उत्पादन गर्ने ठुलो सहयोग पु¥याउदै आएको छ ।
क्रिसा खेलकुदले सवै संस्थागत विद्यालयहरुलाई आपसमा मेलमिलाप र विद्यार्थीहरु विच एक आपसमा अपनत्व को भावना सिर्जनाहुने र खेलकुदको विकासमा समेत महत्व पुर्ण सहयोग पुग्ने भएकोले आफुहरुले यो प्रतियोगिता संचालन प्रत्येक वर्ष गर्दै आएको क्रिसा अध्यक्ष दिनेश सिग्देलले वताए । क्रिसा खेलकुललाई सवै क्षेत्रले आफ्नो क्षेत्रवाट सहयोग गरिदिनहुन अपिल समेत गरेका छन् । स्थानिय सरकारले पनि क्रिसा खेलकुद प्रतियोगितालाई सहयोग गर्दै आएको र यस वर्ष पनि गर्ने अपेक्षा गरिएको अध्यक्ष सिग्देलले वताए ।

२३ पुष २०७८ मा प्रकाशित
Nabintech